LingoUPMulti-level imtihon tuzilishi
Milliy sertifikat (Multi-level) imtihoni chet tilini bilish darajasini to'rt ko'nikma bo'yicha baholaydi. Imtihon formatini oldindan bilish — yuqori ball olishning birinchi sharti.
Bo'limlar
| Bo'lim | Topshiriqlar | Vaqt |
|---|---|---|
| Tinglab tushunish | 6 qism, 35 savol; har bir audio ikki marta eshittiriladi | ~35–45 daqiqa |
| O'qib tushunish | 5 qism, 35 savol: bo'sh joy to'ldirish, moslashtirish, sarlavha tanlash, test | 60 daqiqa |
| Yozish | 2 qism: xat (norasmiy va rasmiy) hamda insho | 60 daqiqa |
| Gapirish | 3 qism: savollar, rasmlar asosida suhbat, mavzu bo'yicha munozara | ~15 daqiqa |
Imtihon kuni uchun maslahatlar
- Tinglashda savollarni audio boshlanishidan oldin o'qib chiqing — buning uchun vaqt beriladi.
- O'qishda vaqtni taqsimlang: har bir qismga taxminan 12 daqiqa.
- Yozishda so'zlar sonini tekshiring — juda qisqa javob ball tushiradi.
- Gapirishda tayyorlanish vaqtidan unumli foydalaning va javobni to'liq vaqtga cho'zing.
Mashq qilish: turk tili · ingliz tili.
Darajangizni bugun bilib oling
Haqiqiy imtihon formatida mashq qiling — tinglash va o'qish natijasi darhol chiqadi.
Ko'p beriladigan savollar
LingoUP rasmiy sertifikat beradimi?
Yo'q. LingoUP — Multi-level imtihoniga tayyorlov platformasi. Rasmiy milliy sertifikatni Bilim va malakalarni baholash agentligi beradi.
Multi-level imtihonida ball qanday hisoblanadi?
Har bir ko'nikma 0–75 ballga o'tkaziladi. 38–50 ball — B1, 51–64 — B2, 65–75 — C1. 38 dan past — B1 dan past.
Yozish va gapirishni kim tekshiradi?
Avval sun'iy intellekt taxminiy baho beradi, keyin o'qituvchi tekshirib, yakuniy ball va izoh qo'yadi.